Dugtungan Mo Ang Isang Magandang Alaala / Nang Gabing Maging Akin Ka

 Pag-ibig din ang magdurugtong sa magagandang alaala ng isang lumipas na pag-ibig.

 Maligaya si Julie sa piling ng kasintahang si Greg. Subalit tuwina ay wala itong bukambibig kundi ang nakatatandang kapatid na si Ariel.

 Nang makilala niya ang misteryoso at aroganteng si Ariel, ni sa hinagap ay hindi niya inakalang magpapakasal siya rito.

 Parang panaginip lamang ang lahat, na paggising niya’y totoo palang dalawang beses siyang naging Mrs. Valdez.

  Nang Gabing Maging Akin Ka

 “If this is but a dream… ayokong magising. And if you’re not real, then take me to your world…” Dalawang pag-ibig na ang nawala kay Monica dahil hindi niya nais magkaroon ng premarital affairs. At ang huli, si Michael, iniwan siya sa isang resort sa Laguna nang tumanggi siyang makipagtalik dito bago sila makasal.

 Sa sama ng loob, habag sa sarili, at iglap na rebelyon na tinulungan pa ng dalawang shots ng tequila, ipinagkaloob ni Monica ang sarili sa isang total stranger.